الثلاثاء، 28 يوليو 2015

السنة التحضيرية للمسار الصحي في جامعة الدمام ( تجربة مختصرة خضتها شخصيًّا )


Ask:  @yasoma96
Twitter: @yasoma96

السلام عليكم و رحمة الله و بركاته
بسم الله الرحمن الرحيم 

بدايةً سأتكلم عن المواد التي سيتم دراستها خلال المسار الصحي و تقسيم وحدات كل مادة  في المعدل
المواد للترم الأول 7 هي: ( الإنجليزي العام 1 - الأحياء 1 - الفيزياء 1 - الكيمياء 1 - مهارات البحث - الكمبيوتر - العقيدة الإسلامية ).

المواد للترم الثاني 8 هي: ( الإنجليزي العام 2 - الإنجليزي التخصصي - الأحياء 2 - الفيزياء 2 - الكيمياء 2 - مهارات الإتصال - التربية البدنية و الصحية - الثقافة الإسلامية ).





مواد الترم 1

الإنجليزي العام 1 ( General English )
ينقسم إلى 4 أقسام   Reading - Writing - Speaking - Listening
المادة عليها 7 وحدات للسنة كاملة. في هذي المادة ندرس الفوكابز - قرامرز - أساسيات الكتابة و أنواعها و إمكانية كتابة الإسيه و هي عبارة عن مجموعة من البراقرافات - مهارة الإستماع و كيف إنك تجدِ الإجابة من خلال الإستماع للمحادثة - الحوار و المناقشة بحيث إنه تكون لك الفرص للتعبير عن رأيك، و سوينا عروض بوربوينت و عرضنها خلال الكلاس بحيث نوصل الفكرة اللي تضمنها العرض - القراءة بحيث نقرأ قصة موجودة بالكتاب عشان نجاوب على الإسئلة بكذا تتقوى مهارة القراءة و تتختلف الكتب اللي تنأخذ من مستوى لمستوى. 



الأحياء 1 ( Biology )
هذه المادة أعتبرها أساس المسار الصحي لكونها مادة راح تمشي معاكم في التخصص لكن بتكون متفرعة ذاك الوقت إلى بايوكميستري - فسيولوجي .......ألخ. عليها 5 وحدات في المعدل للسنة كاملة، المادة يحتاج لها تركيز و فهم قبل الحفظ، أغلبه اللي المر عليكم في الثانوية لكن بالإنجلش، المذاكرة تكون من السلايدز ثم الكتاب عشان كذا مهم الرجوع للكتاب عشان تربطوا مع اللي تم دراسته في السلايدز ( لكن يختلف من شخص لشخص و طريقة مذاكرته ). مهم جداااا إنه تكوني فاهمين كل كلمة درستوها و ما تكون حفظ فقط عشان ما تتنسى بعدين، لأن حفظ بدون فهم يتبخر. الأحياء كان فيه روتيشن للدكتورات عشان تعرفوا طريقة شرح كل دكتورة.
بالإضافة المادة فيها لاب ( معمل ): أول شي ينشرح لكم إيش راح تاخذوا من عينات وصور، بعدين تشوفوا العينات سواءً على المجهر أو مجسم ( مودل )، حبيت أضيف عليكم أنه في اللاب لازم لبس اللاب كوت.

 


الفيزياء 1 ( Physics )
المادة ما بين الصعوبة و السهولة خصوصا المسائل يبغالها تركيز، الدكتورة تحل المسائل على السبورة فا يفضل الكتابة معها بحيث يسهل الفهم لما تجوا تدربوا نفسك على حل فكرة التمارين، المادة عليها 3 وحدات للسنة كاملة.
المادة فيها لاب و لازم لبس اللاب كوت، الدكتورة تشرح التجربة بعدين تشتغلوا على التجربة و تدونها على ورقة الريبورت و تسلموها 



الكيمياء 1 ( Chemistry )
محتوى المادة أغلب اللي أخذتوه في الثانوي لكن بالإنجليزي و عليه 3 وحدات في المعدل للسنة كاملة. مهم تدريب اليد على حل المسائل عشان يسهل أكثر و المذاكرة أول بأول لأن المواضيع مرتبطة ببعض 
المادة فيها لاب و أيضا لازم اللاب كوت عشان راح تتعاملوا مع مواد كيميائية.



مهارات البحث  ( LRSK )
مادة فصلية عليها وحدتين في المعدل. مادة تعلم الطالب كيف يسوي بحث بحيث يتعلم أساسيات البحث و كيف يكتب بحث بطريقة أكاديمية و إضافة المراجع، و ما هي أنواع الذكاءات و طريقة التفكير و....... حاليا  المادة بتؤخذ بالإنجليزي لأن سابقا كانت تؤخذ بالعربي وهذا كل الكتاب اللي بالعربي



الكمبيوتر (Computer )
مادة فصلية عليها وحدتين في المعدل. تنقسم المادة إلى قسمين نظري و عملي. درسنا فيها عن IT و عن محتويات الكمبيوتر،و الإنترنت و السلامة و الحماية من الكمبيوتر..... و عن Word - PowerPoint - Excel..... إلخ. يكون في مشاريع تسووها و كمان في شرح على عرض بوربوينت.


هنا وقت كنا نشتغل على مشروعنا للكمبيوتر 



العقيدة الإسلامية (Islam 1 )
مادة فصلية عليها وحدتين في المعدل.في هذي المادة ترجع بكم الذاكرة إلى ( التوحيد - فقه و الحديث) أغلبه نفس المواضيع و راح تحسوا إنه تكرر عليكم خلال السنوات.مهم جدا جدا جدا يكون معاكم الكتاب اللي تطلبه الدكتورة لأن المذاكرة تكون منه. المادة فيها مشاركة تشاركوا مع الدكتورة راح تطرح أسئلة و تجاوبوا عليها. راح يكون مطلوب منكم تفعيل قيمة ( قيمي) إما مسيرة بحيث تدوروا على الناس و توزعوا شغلكم أو تاخذوا طاولة وتقدموا شغلكم عليها و راح توضح لكم الدكتورة الطريقة اللي تبغاها قبل كل شيء.


تفعيل قيمتنا أنا و صديقاتي :






مواد الترم 2

الإنجليزي العام  2 ( General English )
نفس الفكرة اللي ذكرتها في الترم الأول لكن راح تكملوا على اللي أخذتوه في الترم الأول



الإنجليزي التخصصي ( ESP )
المادة عليها 3 وحدات في المعدل. ينقسم إلى قسمين: مادة الإنجليزي التخصصي و البحث الأكاديمي. المادة التخصصية تاخذوا فيها كلمات تتعلق بالمصطلحات الصحية مثلا: Posterior, Anterior , Inferior, Superior, و راح تقدموا عرض يتكلم عن مرض معين و تشروحوه شي زي كذا. و جزئية البحث تكتبوا بحث أكاديمي بعدما تتعلموا الأساسيات و طريقة كتابته، الحلو إنه راح تكون عندكم خبرة من مادة LRSK في الترم الأول عشان كذا ركزوا فيها راح تستفيدوا منها كثير هنا. 


بعض من أعمالنا




الأحياء 2 ( Biology )
راح تكملوا على اللي أخذتوه في الترم الأول


الفيزياء ( Physics )
المادة فصلية يعني المواد اللي أخذنها في الترم الأول ما دخلت معانا في الترم الثاني في النهائي لكن ما عندي علم إذا راح يكون نظامكم نفس نظامنا، راح توصلكم المستجدات من القسم إذا في تغييرات.


الكيمياء ( Chemistry )
في هذا الترم راح تكون المادة عن الأورجانيك اللي هي المواد العضوية اللي خذتوها في ثالث ثانوي من مجموعاته الوظيفية و الفرق بينهم، تكوينهم، فائدتهم، أهميتهم، أمثلتهم .... 


مهارات الإتصال ( Communication Skills )
مادة فصلية عليها وحدتين في المعدل.مادة عن التواصل و تعطيك فرصة للتحدث، تتضمن أساسيات التواصل، أنواعه، طرائقه،......إلخ. أيضا يكون فيها مشروع تطوعي الدكتورة بتطرح فكرته عليكم. حاليا المادة بتؤخذ بالإنجليزي لأن سابقا كانت تؤخذ بالعربي


مشروعنا أنا و صديقاتي 




التربية الصحية و البدنية ( PE )
مادة فصلية عليها وحدة واحدة في المعدل. المادة قسمين نظري و عملي. النظري: شرح عن السلامة، عن الرياضة، عن الصحة،.... و يكون لكم جزئية إنتم تقدموها تشرحوا على عرض بوربوينت أو شرح خارجي من عندكم أهم شي صحي، و مطلوب عمل مشروع و تشرحوه و تعرضوا إنجازاتكم.
الجزء العملي:  يكون مطالبين تلبسوا لبس رياضة بلوزة و بنطلون عشان يسهل عليكم تسووا رياضة، لكن تجيبوا البنطلون معاكم مو إنه تجوا لابسينه، الصباح تكونوا لابسين التنورة عشان ما تكتبوا مخالفة، للطالبات كان لنا أربع رياضات بدنية اللي هي: (Push up - Set Up - Running - Jumping) - >( دفع - رفع - جري - وثب)
و العدد المطلوب لكل من الرياضات تحدد على مستوى الدفعة.


مشروع مجموعتنا الجميل :





النظام الإجتماعي في الإسلام (Islam 2 )
مادة فصلية عليها وحدتين في المعدل.نفس فكرة مادة العقيدة اللي ذكرتها في الترم الأول، يكون مهم جدا جدا جدا معاكم الكتاب اللي تطلبه الدكتورة، يكون في مشاركة بالكلاس، و أيضا تفعّلوا القيمة (قيمي) كما ذكرت مسبقا.


تفعيل قيمتنا أنا و صديقاتي :





الزي:
اللبس المعروف اللي هي تنورة و بلوزة تكون طويلة أو نص كم طوله قريب للكوع.
اللاب كوت تلبسوه في اللابات
لبس الرياضة يكون في الترم الثاني تلبسوه فقط فترة محاضرة البدنية بوقت الرياضة و ممنوع تتجولوا فيه في المبنى لأن راح تتكتبوا مخالفة



* إضافة:

الأكل/ 
أكيد بعد التعب يحتاج الشخص للطاقة خصوصاً في الدوام الطويل، فا عندكم:

1. كوستا الدور 1 و جوفريز الدور 2  و  مطعم جار بيكيري في الدور 3 عندكم مبنى 300



2. المبنى اللي جنب مبناكم قريب من المكتبة فيه روابي الشام و يبيع باسكن روبنز



3. الناعورة في مبنى الطب 65 و مبنى خدمة المجتمع و الدراسات التطبيقية

4. كافتيريا في مبنى العلوم الطبية 55

5. كافتيريا تبيع آيس كريم و ويدجز فرايز في مبنى التمريض


6. دانكن دونت مقابل مبنى الإسلاميك 





الأنشطة /

راح يعلنوا عن رحلة للشاطئ التابع للجامعة عبر إعلانات يلصقوها عشان بعدين تسجلوا أسماءكم
و في مسابقات و فعاليات: كرة سلة - بزل - سباق جري .... و يكون عليها جوائز برضوا يعلن عنها




ختاماً أتمنى أكون وصلت لكم مضمون الفكرة، و لو عندكم أي أسئلة راح أكون بإذن الله متواجدة في:

Ask:  @yasoma96
Twitter: @yasoma96

أنتظر أسئلتكم و تعليقاتكم و مشاركاتكم الجميلة، دمتم بود و سرور : )

لا تنسوا تنشروا المدونة عشان يستفيد الجميع، موفقين



هناك تعليق واحد:


  1. شركة تنظيف سجاد بالمدينة المنورة
    شركة تنظيف سجاد بالمدينة المنورة لغسيل السجاد بكل سهولة وبأقل الأسعار لإزالة الأتربة و الأوساخ والبقع المتراكمة عليه لهذا يمكنكم الاستعانة مع شركة تنظيف سجاد بالمدينة المنورة على الفور وسوف نقوم بتنفيذ طلبك في أسرع وقت بكل سهولة مع الاعتماد على تقنية التجفيف الحراري والبخار في تنظيف السجاد والاستعانة بأجود المواد الفعالة المستوردة لضمان حمايته من التلف والاحتفاظ بالألوان الزاهية الخاصة به .
    ---------------------------------------+
    شركة تنظيف بيوت بالمدينة المنورة
    توفر شركة تنظيف بيوت بالمدينة المنورة خدمة متميزة على مدار اليوم حيث أنه من المعروف أن البيوت تحتاج لتدخل الشركات الخاصة بالتنظيف لإتمام تلك المهمة ويمكن لطاقم العمل إتمام مهمة تنظيف البيوت مهما كانت مساحته من داخل البيت وخارجه أيضاً بالاعتماد على طريقة التنظيف بالبخار لأنها طريقة فعالة وآمنة اتصل وسوف يتم الوصول لكم بالوقت المحدد .
    ------------------------------
    شركة مكافحة حشرات بالمدينة المنورة

    الحشرات تتسبب في حدوث ضرر كبير خاصة عند وجود أطفال أو حيوانات بأنها تنقل الجراثيم فإذا كنت بمنزل به حشرات فأنت بحاجة إلى شركة مكافحة حشرات بالمدينة المنورة لتساعدك بالتخلص من أي حشرات مهما يكن نوعها وسواء كانت من الزواحف أو الحشرات الطائرة فمكافحة الحشرات أمر مهم و يتم من خلال أشخاص محترفين ومتخصصين لضمان عدم عودتها الحشرات لأطول فترة .
    --------------------------------

    ردحذف